Mir sichen fir d'Internat zu Wolz: Educateur diplômé / gradué (M/W/NB) am CDI mat 25-35 Stonnen/Woch
D'Internat Wolz läit zentral, awer roueg, bei der Gare. Et ass e neit a modernt Gebai, ëmgi vun enger Wiss an engem Basketballterrain. D’Internat bitt 24 Schüler, déi am Norde vum Land an e Lycée ginn (LN, LESC, LCD, etc.), en Doheem un.
Deng Aufgaben:
Encadrement vu Jugendlechen an hirem Alldag
Entwécklung vu Bildungssettings, déi individuell un d’Entwécklung vun de Jugendlechen ugepasst sinn, sou datt si sech beschtméiglech op d’Ufuerderunge vun der Schoul virbereede kënnen
Uleedung zu engem kreative Bildungs- a Fräizäitverhalen
Ënnerstëtzung bei allen alldagsprakteschen Aufgaben am Hibléck op d‘Verselbstännegung vun de Jugendlecher
Eng enk Zesummenaarbecht mat den Elteren a Lycéesproffe fërderen
Däi Profil:
Du hues een zu Lëtzebuerg unerkannten Diplom als Educateur (diplômé oder gradué)
Du bass op fir Neies a kanns flexibel an autonom schaffen
Du bass strukturéiert, organiséiert a kanns gutt observéieren an dokumentéieren
Du bass kreativ an der Gestaltung vu Bildungsprozesser
Du kanns Lëtzebuergesch, Däitsch a Franséisch schwätzen
Du bass flexibel wat d’Aarbechtszäiten ugeet (Dag- a Nuetsschichten)
Wat dech erwaart:
En ënnerstëtzenden an inspiréierende Kader, deen dir Raum bidd fir dech mat dengen Iddien a pedagogesch Kompetenzen anzebréngen
Weiderbildungs- an Entwécklungsméiglechkeeten, esou dass du ëmmer um neiste Stand vun denger Passioun bass
E multidisziplinär a kollegiaalt Aarbechtsëmfeld
Eng Platz, déi dir Stabilitéit an eng villverspriechend Zukunft am Beräich Kannerbetreiung gëtt
E Gehalt am Kader vum SAS-Kollektivvertrag
Iwwert eis:
arcus asbl. ass eng jonk an dynamesch Organisatioun, déi säit 2015 e kontinuéierleche Wuesstem virzeweisen huet. Sie ass am Beräich vun der Aide à l’enfance et à la famille an de Services d’éducation et d’accueil täteg. Et ass eng léierfäeg Organisatioun, déi Erausfuerderungen erkennt an unhëlt fir d'Kompetenzen an Erfarunge vu senge ronn 1800 Mataarbechter ze stäerken, esou dass dës am Sënn vu Respekt a Wuelwëllen am Déngscht vun aneren agesat kënne ginn.
(bei enger Astellung froen mir de Casier judiciaire)