D’APEMH, Associatioun am Déngscht vu Leit mat enger intellektueller Beanträchtegung an hire Familljen, sicht fir säin Atelier d’Inclusion professionnelle (AIP) am Parc Merveilleux zu Beetebuerg:

ee Chargé de Direction (m/w/x)

Vollzäit - op onbestëmmten Zäit

De Parc Merveilleux ass net nëmmen deen eenzegen Déiere- an Fräizäitparc zu Lëtzebuerg mat ronn 200 Déierenaarten aus 5 Kontinenten; et ass och eng Plaz wou Inklusioun all Daag geliewt gëtt.

Als Chargé de direction suergt dir an enker Zesummenarbecht matt der Direktioun vum Parc Merveilleux dofir, dass d‘Mataarbechter mat enger intellektueller Beanträchtigung een vollwertegen Deel vun der Arbechtswelt vum Parc sinn. Dir sidd verantwortlech fir de gudden Oflaf vum AIP a fir d’Wuelbefanne vun de Mataarbechter mat enger intellektueller Beanträchtigung.

Är Haaptmissiounen:

Am Respekt vun der Strategie an de Werter vun der APEMH, sidd Dir zoustänneg fir:

• een inklusivt Arbechtsemfeld : : eng qualitativ Begleedung vun de Mataarbechter mat enger intellektueller Beanträchtigung an Organisatioun vun den Atelieren, fir hir Autonomie an hir sozial Inklusioun ze fërderen.

• schaafen vun neien Ausbildungs- an Arbechtsplaatzen 

• die Administrativ a finanziell Gestioun: Budgetsplang, Iwwerwaachung vun den Investitiounen vum AIP an enger enker Zesummenaarbecht mat der Direktioun vum Parc.

• Personalgestioun: Féierung vun enger dynamescher a multidisziplinärer Equipe (technescht an educativ Personal, Déierefleeger), baséiert op Vertrauen an Dialog.

  
  

Äre Profil:

• Dir sidd am Besëtz vun engem zu Lëtzebuerg unerkannten Diplom (minimum Bac+3) am sozio-pedagogesche Beräich oder Management.

• Dir hutt eng confirméiert Erfarung an enger Managementfunktioun.

• Dir hutt är Stärkten an den Beraicher Organisatioun an Dialog, an hutt eng Liichtegkeet bei der Entscheedungs­féierung.

• Dir beherrscht déi drei offiziell Landessproochen, woubai Lëtzebuergesch obligatoresch ass.

• Dir kennt Konzepter denken an entwëckelen an hutt gudd redaktionnell Fäegkeeten

• Dir sidd proaktiv a kreativ an hutt Loscht, den Atelier am Parc a senger inklusiver Missioun innovativ weider ze entwéckelen.

  
  

Firwat bei eis kommen?

• een aussergewéinlecht Arbechtsemfeld mat Sënn, am Häerz vum eenzegen Déiere – a Fräizäitparc aus dem Land.

• D’Chance, Deel vun enger motivéierter Direktiounsequipe matt staarke mënschleche Wärter ze ginn.

• Eng Schlësselpositioun, wou all Entscheedung zu enger richteger sozialer Inklusioun bäidréit.

  
  

Sidd Dir interesséiert? Schéckt eis Är Kandidatur online eran fir Deel vun eiser Equipe ze ginn!