MIR SICHE STUDENTEN*INNE FIR D‘SUMMERVAKANZ! ☀️
De Luxembourg City Tourist Office (LCTO) sicht motivéiert Studenten*inne fir déi beschten Zäit vum Joer: de Summer!☀️🕶️ Mell Dech gär wann s Du déi richteg Persoun bass: ⬇️
Deng Missiounen:
Ënnerstëtz eis Ekippen „Luxembourg Jackets – Ask me“ an „Information Desks and Hospitality“: Als mobil Touristeninformatioun an am Bureau d’Accueil um Knuedler beäntwers Du all méiglech Froen a begleets Visiteuren an Awunner duerch d‘Summersaison. Typesch Froe sinn zum Beispill „Wou ass de Panoramalift?“, „Wou sinn d’Bock-Kasematten?“ oder och nach „Wou ginn et déi beschte lëtzebuergesch Spezialitéiten?“.
Däi Profil:
Schüler*in oder Student*in mat enger gülteger Schülerkaart/Studentekaart (18-27 Joer al).
Kënneg an der Stad: Du bass passionéiert fir déi iwwer 1.000 Joer al Geschicht vun der Stad. Wou déi nächst Velo’h Statioun ass weess Du natierlech och! 🚲
Affinitéit a verschidde Sproochen: Du bass fléissend am Franséischen, Däitschen, Engleschen a Lëtzebuergeschen.
Oppen a flexibel: Du gees op d'Leit duer a schaffs gär mat Dengen Aarbechtskolleegen zesummen nom Motto „Teamwork makes the dream work.“ Ausserdeem adaptéiers Du Dech séier un nei Situatiounen.
Déi beschte Grënn fir bei den LCTO ze kommen:
Interaktiven, oppene Kontakt mat den „Awunner op Zäit“: Belsch, Däitschland oder USA. Eis Visiteure kommen aus alle Regioune vun der Welt.
Frëndschaften: An Dengem Studentenjob léiers Du aner Lëtzebuerger Studente kennen.
Vilfalt a Beweegung: Däin Alldag ass ni den nämmlechten, egal ob s Du am Bureau d'Accueil schaffs oder op de verschidden touristesche Plazen an der Stad.
Besser Sproochekenntnisser: „Wéi seet een nach méi Festungsmaueren op Englesch?“ No Dengem Studentenjob bass Du nach méi fléissend an Denge Sproochen. 🗣️
Stater Expert: Beim nächste Besuch vu Frënn oder Famill kanns Du mat Dengem neie Wësse punkten. ✅
Deng Demande:
Deng Disponibilitéiten (4 méiglech Perioden):
10.06.26 – 10.07.26,
09.07.26 - 07.08.26,
06.08.26 – 06.09.26,
06.08.26 – 13.09.26.
Deadline: 20.03.2026
Ënnerstëtz eis an eiser Missioun, de Visiteuren an Awunner en onvergiesslechen an aktive Summer an eiser Stad unzebidden. Mir freeën eis elo schonn, Dech kennen ze léieren! ☀️😃